Ki briew ba don jingpang COVID, lada ki iap da kawei ka daw ruh hap ai jingkhein, ong u Dr War

Shillong: U Director ka tnad ka koit ka khiah u Dr Aman War, u iathuh ba haduh mynta ki briew ki ba la kynthup ha ka jingkein ba ki khlad na ka jingpang Covid ki long 10 ngut ha ka jylla kynthup ia ki 2 ngut uwei u ba la khlad ha ka 23 tarik u naitung 2020 ha NEIGRIHMS hospital bad uwei u ba la khlad ha Civil hospital, Shillong ha ka 27 tarik u Nailar 2020.

U Dr War u la iathuh ba kat kum ka jingbthah na ka ICMR la bthah ba kino kino ki briew ki ba la test covid positive lada ki khlad na kawei ka jingpang ne ka daw yn kynthup beit ia ki ha ka jingkhein jong ki briew ba la khlad na ka jingpang covid -19.

U Dr War u la iathuh ba ki 10 ngut ki briew kiba la test covid positive bad kiba la khlad noh, ki long u Dr John L Sailo Ryntathiang, I Semi Bagan i khyllung na Arunachal Pradesh,u Nandeshshwar Duri u BSF u ba la khlad ha NEIGRIHMS hospital, u Banteilang R Syngngai, u Kanchan Singh, u Pankaj Gujar na Upper Mawprem, u Ram Bachan Rai, u Maheshwar Dubey, u ba la khlad ha Civil hospital Tura u Rajendra Shah u ba la khlad ha Civil hospital, Shillong bad ka Sunita ka kurim jong u Shipai BSF kaba la khlad ha NEIGRIHMS hospital.