Ki bor pahara ki biang, wat ha ki skul ruh, kam ka sorkar

Shillong, 21Iaiong:
Hadien ba la ioh jingtip lyngba ki lad pathai khubor ba ka HNLC ka khot pakhang shnong 12 kynta lashai ka sngi ka 22 tarik u iaiong, ka sorkar ka la kyntu ia ki paidbah ba kin mih sha khmat sha ki kam ki jam jong ki ha katei ka sngi ym ban don kano kano ka jingsheptieng. Ka la kyntu ruh ia ki kali kamai ba ki dei ban mih kamai kumba ki ju leh manla ka sngi. Ka sorkar ka la pyntip ba ha katei ka sngi ka la pynkhreh ki bor pahara kiba pyrkhing ban peit ba kan ym mih kano kano ka jingshah pyndik ki paid bah, bad ka la ong ba wat ha ki skul ruh ka la pynkhreh ki bor pahara kiba biang, kumta ka kyntu ba ki ophis sorkar, ki bank, ne ki skul ki dei ban plie ha katei ka sngi. Ia katei la pynbna da u Under Secretary Political Department ka sorkar jylla.
Halor katei ka pakhang shnong ka HN LC, ki bor pyniaid distrik ka la pynbna ba ka la pynkhreh ia ki kali sorkar ban kit ia ki paidbah ba leit jingleit ka ban sdang naduh ka por 9:30 baje mynstep bad kitei ki bus kin iaid na Happy Valley lyngba ka Madanrting, Nongthymmai, St.Edmunds, Dhankheti, Barik IGP, Kachari lyngba ka Malki Point. Na Rynjah lyngba Pohkseh, Nongrim Hills, Laitumkhrah, IGP, Kachari lyngba Malki Point. From Mawiong lyngba Mawlai Petrol Pump, Mawdatbaki, Mawlai Mawroh, Golflink, Polo, IGP. Na Mawprem Karbom lyngba District Council Point, Motphran, Khyndailad, IGP, Kachari. Na Laban lyngba Last Stop, Bishnupur, Kench’s Trace, IGP, Kachari. Na Nongmensong lyngba Demseiniong, Polo, IGP, Kachari. Na Jaiaw Mawbynna lyngba Riatsamthiah, Wahingdoh, Umsohsun, Khyndailad, Kachari, IGP. Na Lawsohtun lyngba Bishnupur – Last Stop – Rhino Point – IGP. Na Lumparing lyngba Madan Laban – Last Stop – Rhino Point – IGP. Na 7 mer Upper Shillong lyngba 5 mer, – 4 mer, – 3 mer, – Lummawbah – Rilbong Point – Rhino Point – IGP. Na Mawpat lyngba Langkyrding Mihngi – Lumshyiap – Golf Link, Polo, IGP.