“Ki babu IAS kim lah ban iakhlad bad ki kynrad politishian”

Shillong, 21 Iaiong:
U Myntri Rang bah ka jylla u Mukul Sangma u la ong ba ki babu IAS, MCS kim lah ban iakhlad bad ki kynrad politishian ha ka synshar khadar.
U Myntri Rang bah u la kren ia kane ha ka jingrakhe ia ka 10th Civil Services Day mynta ka sngi ha Shillong.
Kine ki ar kynhun kim lah ban iakhlad bad ki dei ban treilang ban pynlongkam katkum ki mat ba iadei ia ki paidbah.
U la kyntu ia ki babu sorkar ba kin ai ia ka jingiadei kaba khlain bad ban trei na ka bynta kiba rit baria khnang ban kyntiew ia ka jylla Meghalaya.
“Ka jingshakri ia ki paidbah bad ka jylla kam ju kut. Man ka sngi ka dei ka sngi jong ka jing treikam”, la ong u Myntri Rangbah.
U la ong ba ki babu sorkar ki dei ban sngap ban leh ia ki jingeh jong ki paidbah khamtam ki samla ban ai jingkyrmen na ka bynta ban kyntiew ia ka jylla bad ka ri.
Shwa ia kane, la ruh ia ka jingkren na u  Chief Secretary u K.S Kropha, uba la ong ba ka jingjop kan shong ha ka jingiatreilang kum ka kynhun jong ki ophisar bad ki kynrad sainpyrthei.