Shillong: U symbud myntri rangbah ka jylla u bah Prestone Tynsong, u la iathuh ba kino kino kiba thmu ban leit phah sumar, ki lah ban leit shim ia ki pass kali na ki Block Development Ophisar (BDO).
Kane ka long hadien ba la ioh ia ka jingujor na kiba bun halor ka jingshah dain kuna jong ki nongshong shnong ha ki pulit ha ka por ba ki leit ban ban phah sumar.
Na ka liang u bah Prestone u la pynshai ba ka sorkar ka shim khia halor kane ka bynta ha kaba ka la aibor ruh sha ki Block Development Officer (BDO) ban ai ia ki pass kali, kata tang ia kito ki ba donkam kyrkieh ban leit phah sumar.
U la pynshai ruh ba ka jingdain kuna da ka tnad pulit pyniaid kali ka long lehse ba ki kali ba ki pyndonkam ban wan phah sumar kim don satia ia ki pass kali.
Kumta u la kyntu ia ki nongshong shnong kiba donkam ban leit phah sumar ba kin pyntip sha u rangbah shnong khnang ba kin lah ban pyntip sha ki DBO ha ki shnong ba kin ioh ia ki pass kali.
Hato kita ki BDO ki don ha man la ki shnong ba kin ai car pass ia ki ba donkam kyrkieh? Lada phone u Rangbah shnong Sha kita ki BDO ban leit shim ia kata ka car pass pat hap iaid da ka kjat te haduh ban da poi bad wanphai biang Sha shnong u nongpang te lah leit syndon. Da leit da ka Kali ban leit shim ia kata ka car pass pat u pulit ha lynti u lah jliah ia ki shympriah kti ban ñiew ia ka pisa bai fine bad um sngap hi ruh lada phin iathuh ba ngi mut ban leit shim pass hynrei un ong ai shwa ka bai fine sa pyllait ban leit. Te balei ym lah ban pdiang ia ki recommend tang na ki Rangbah shnong ha ki kam emergency. Kito ki myntri ki lah sngewbiang ia lade kim pyrkhat shuh ia ki duk ki suk bad ki nong kyndong bapli.
Sngewtynnad palat ba ka Sorkar ka la shimkhia bad ka lah ailad lyngba ki BDO, ba Lada donkam kyrkieh ka Car-Pass na ka bynta kito kiba phah leit sumar haba jia ka pang ka shitom. Hynrei tang kawei ka long, Lada jia pat ka pang ka shitom da miet bad kumjuh na ka bynta kito ki shnong kiba jngai na ka Block yn leh kumno?
Te Nga kyrpad iaka Sorkar ba Kan thaw lem ki lad ki lynti halor kitei, khnang ba Kan pynsuk iaki paidbah kiba leit shim dawai haka miet ka iong bad kumjuh kiba donkam kyrkieh kiba jngai na ki Block .?