Kong Linda Kongwang
Ki antioxidants ki dei ki compound kiba kongsan namar ki iarap ban pynskhem ia ki cell bad ai jingiada na ka oxidative stress kaba lah ban buh ka jingma kaba khraw na ka daw ki oxidants. Ha kawei pat ka liang ki antioxidants ki paw ba kidei ki free radicals kiba ka met jong ngi ka pynmih ban ai jingiada ialade na ki bacteria bad viruses ki la kharoi shibun kaba ialam sha ka jingshahktah pat ki cells kaba lah ban long ka daw halor ka jingngat haki jingpang kum ki jingpang bampong, ka jing pang klongsnam bad ka jingpang ba ktah ia ki khmat ruh. Ki antioxidants ki shim ia ka bynta ba kongsan halor ka jinglah ban pynkhuid ia kine ki oxidants na ka snam bad naka met hi baroh kawei.
Kumta ban pynbiang ia ka jingdon ka antioxidants ha ka met ka long kaba donkam naka bynta ban ialeh pyrshah ia kita ki oxidants ne ki free radicals kiba don haka met. Katkum ka jingwadbniah daka Journal of Nutritional Science ha u snem 2016 ki shem ba kine ki free radicals ne ki oxidants ki kham jur bunshah haba ianujor bad ki antioxidants ki ba don hapoh ka met.
Namar kata ka long kaba donkam ban pynbiang ia ka jingdon ki antioxidants lyngba ki thymmei kiba ngi ioh na ki jing bam naka bynta ka jingiaryngkat hapdeng ka oxidants bad antioxidants.Ki jingbam kiba riewspah ha ka jingdon ki antioxidants ki dei ki thymmei bad kiba lah ban ai jingkoit jingkhiah shibun halor ka jingduna ka jingma ban ngat na ka jingpang klongsnam, pyllait naka jingkloi ringsti ka sniehdoh bad ka pyllait na shibun ki jingpang jingshitom. Ka jingjied ia ki jingbam ba riewspah ka jingdon ka antioxidants kadei kaba iarap ruh ban pyllait ka jingthut trei kam ka bor jabieng na ka jingpang shini bad pyllait na ka jingthut ka kpoh.
Kine harum ki long napdeng ki soh bad ki jhur kiba riewspah ka jingdon ka antioxidants kiba lah ban kyntiew ha ka liang ka koit ka khiah jongka met.
1.KI STRAWBERRIES :–Kine ki jait soh ki riewspah halor ka jingdon ia ka antioxidants bad kidei ki thymmei halor ka jingdon ka vitamin C haki. Ka jingpule ka lap ba ki antioxidants kiba don ha kine ki soh ki lah ban pynduna ka jingthang shadem bad pynduna ka jingkiew ka blood pressure ka ba lah ban iarap ai jingiada naka jing ngat haka jingpang klongsnam. Ka Polyphenols ka ba shem haki strawberries ka lah ban pynbiang ia ka jingdon ka insulin ha kito ki ba sngaid palat kaba lah ban iarap pyllait na ka jingshah ktah haka type 2 diabetes.
- KI SOH BLUEBERRIES:—-Kine ki soh watla ki long kiba rit hynrei ki dap kyrhai da ka jingdon ki vitamins bad minerals. Ki blueberries ki dei ruh ki ba riewspahha ka jingdon ka anthocyamins kaba iarap halor ka jingtreikam bha ki antioxidants kiba don ha une u soh. Une u soh u iarap tei ia ka bormet bad uba ai jingmyntoi shibun haka liang ka koit ka khiah kaba kynthup naduh ka jingtreikam bha ka bor jabieng, pynioh ia ki shyieng kiba khlain bad pynduna ka jingma jong ka jingpang klongsnam.
3.U SOH BALENSHA:–Kine ki jaitsoh ki dei kiba riewspah halor ka jingdon ki antioxidants bad ka vitaminC, ki don ka bor ban ialehpyrshah halor ka jingring sti ka sniehdoh. Ban bam ia une u soh ka kyntiew ruh halor ka jingtreikam bha hapoh ka met, pyllait na ka jinglong tyrkhong ka sniehdoh bad iarap pyllait na ka jinglong thohlain ka sniehdoh (wrinkles).
4.U KAJOR :—-Une u jhur laju tip ba u dap kyrhai da ka jingdon ka Beta-carotene antioxidants. Ki jingdon ka Beta-carotene ha u kajor kaba wallam ka rong kaba phylla jong une u jhur. Shuhshuh ka jingdon ki antioxidants bad ki minerals kiba kongsan kidei kiba lah ban ai jingiada ban pynkhlain ia ki cells na ka bynta ka jingmyntoi haka liang ka koit ka khiah jong ka snieh doh. Ka jingdon kine ki nutrients ha une u jhur ka iarap pyllait na ka jinglong tyrkhong ka met, ka jingring sti bad thoh lain ha ka sniehdoh. Kumta ia u kajor la ju tip kum uwei napdeng ki jingsumar u ba ai jingmyntoi halor ha ka jingitynnad bad shai ka sniehdoh.
5.U SOHSAW :–U sohsaw ruh la ju tip ba udei u thymmei halor ka jingdon ka antioxidants.Ka Lycopene antioxidants kaba don ha u ka lah ban ai jingiada na ka jingngat na ka jingpang bampong. Katkum ka jingwadbniah la shem ba u sohsaw u ai jingiada shibun khamtam ia ki kynthei ban iakhun pyrshah na ka jingpur ki cell bampong bad na ka jingpang klongsnam. Kito ki kynthei kiba jur ban pynrung ka lycopene ki kham i samla bad ioh ruh ia ka sniehdoh ka ba koit ba khiah.
6.U PHUL JYRNGAM (Broccoli):—-Kum kiwei jhur sla jyrngam, u phul jyrngam ruh udei uba ai jingmyntoi halor ka jingtreikam bha haki bynta ba hapoh ka met. Une u jhur u dei uba riewspah da ka jingdon ka phenolics ki kynja chemical kiba pynmih da une u jingthung na ka bynta ban iada na ka oxidative stress. Ka phenolics ka long kaba donkam na ka bynta ka jingkoit jingkhiah jong u briew namar kine ki compound ki riewspah ha ka jingdon ka antioxidants bad ant-cancer properties, kiba lah ban iakhun pyrshah ka jingthang ka met bad iada na ka jingpur sted ki cell cancer.
Khublei.
Phi don ban ong eiei?