Ki 3 sngi ba jur slap tam ha Shillong

Shillong, 17 Nailar:
Ki lai sngi ba ladep, ki dei ki sngi ba jur slap tam ha ka nong bah Shillong.
Katba kum ka jing ai jingkhein jong ka Meteorological Department, ha ka 14tarik Nai lar, la pyni, ba ka jing hap slap ha ki 24 kynta shwa jong katei ka sngi, ka poi sha ka 110.6mm. Hadien kata, ha ka 15tarik Nailar 2014, la ioh jingkhein, ba ka jinghap slap ha ki 24 kynta ba ladep, ka poi sha ka 99.9mm, katba ha ka 16tarik Nailar, la ai jingkhein ba ka jinghap slap ha ki 24 kynta ba ladep, ka long 76.5milimetre, katba ha ki 24 kynta ba ladep, ka jinghap slap ka duna bha, kaba long tang 5.9milimetre.