Khyrwit u phria, julor lut ki iing ha Rongjeng

U phria, uba jubor bah, uba ka jingheh jongu, ka long la jan kat ka pule, ula khyrwit mynta ka janmiet ha ka shnong Rongjeng bad na ki lad khubor, la iathuh ba ki don haduh 80 pc, ki iing kiba la shah pynjot thiaw ha katei ka jingther jur u phria.
Kawei ka iingmane ruh, kaba la kham rim, ka la julor jur na katei ka jingshah pynjulor ha u phria bad kumjuh ruh ha ka jingther jur jong u slap.
Kat haduh ba thoh ia kane ka khubor, la iathuh ba ka jingkhie eriong lem bad u phria, ka iaid lynti shaphang sepngi bad ym shym la ioh satia ia kiwei pat ki khubor, kiba katei ka jingkhie eriong, ka la pynjulor ha kiwei pat ki bynta jong katei ka thain.