Shillong:Ka Central Executive Committee (CEC) jong Seng Garo Student union (GSU) lyngba ka kyrwoh ba la pyllait ha ka 28 tarik lber ka la pynpaw ia ka jing sngewkhia ba jur haba iadei bad ka jingkren jong u presi dent jong ka Voice of the people party (VPP),u bah Ardent Miller Basaiawmoit, haba iadei bad ka jingkwah jong u ban pynkylla ia ka Roster system kaba la biang bad treikam bha, kaba la mynjur ruh da ka ïingbishar badon burom jong ka Meghalaya High court.
Na ka liang jong ka seng GSU, ka la buh jingkylli ba ha duh katno u president jong ka VPP u lah ban ialam bakla ia ki paidbah haba iadei bad ka roster system.
Ka seng GSU ka la kam ruh ba ka Roster system ka dei kaba la biang, kaba lah bad kaban sa lah ruh ban ai ka lad ban ia ryngkat ia baroh lang.
Ka la kynthoh jur ruh ia u president jong ka VPP ba imat u dei u briew ba kwah ba ka thungkam thungjam kan dei napoh ïing, ka kam na bynta ka pisa bad u briew uba kwah ruh ba ban pynduh noh ia ka bhah bad ka lad ia ki jaitbynriew Garo.
Ka seng GSU ka la pynpaw ruh ba kum kane ka jingleh na u briew saiñ hima sima ba la ih bad san bha ka lah ban wanrah ia ka jing babe.
Ha kawei pat ka khubor, ka Achik Conscious Holistically Integrated Krima (ACHIK) ka la pynrem jur ïa ka seng saiñ pyrthei Voice of the People Party (VPP) halor ka jingthmu ban pynlong ïa ka rally pyrshah ïa ka Roster System jong ka Reservation Policy ka Jylla haba kyrmen ba kane ka seng saiñ pyrthei kan don ïa ka jingsngew lem kaba dei.
Ka Legal Counsel Bernita Rangsa Marak jong ka ACHIK, ka la pynpaw ïa ka jingsngewkhia halor ka sienjam ba la shim da ka VPP pyrshah ïa ka Roster System bad kynnoh ba kane ka seng saiñ pyrthei ka don jingthmu ban wanrah ïa ka jingsngew ïapher Jaitbynriew hapdeng ki shipara jong ka Jylla Meghalaya bad ban pynshlur ïa ka jingleh shiliang ïa katto katne ki paid riewlum ka Jylla.
Katkum ka jingong jong ka, ka Roster System kaba la bthah ban pyntreikam da ka Ïingkashari Meghalaya High Court haba ïadei bad ka bhah thungkam, ka long ban tehlakam ïa ka jingleh bym hok bad pynkut ïa ka jingbamsap nalor ban pynïeng rasong ïa ka bhah thungkam ka Jylla (Job Reservation Policy) katkum ki jingshem jong ka.
“Ka ACHIK ka pynrem jur ïa ka sienjam jong ka VPP ban pynlong ïa ka rally pyrshah ïa ka Roster System bad kyrmen ïa ka jingsngew lem kaba bha,” ong ka Bernita.
Katkum ka jingong jong ka, ka jingshem na ka jingwad bniah la lap ba ka bhah ïohkam jong ki Garo kam long satia katkum ka bhah kaba dei ban ïoh kaba kot tang 33 % bad ïa kane la pdiang ruh da ka Ïingkashari High Court bad dei namar kata, ka bthah ban pyntreikam ïa ka Roster System ha ka State Reservation Policy ka Jylla.
“Ka sur ba pyrshah ïa ka hukum jong ka Ïingkashari ka dei kaba ïaid pyrshah (contempt) ïa ka hukum,” ong ka Bernita kaba dei ka nongsaid aiñ.
Ka la ong ruh ba ka ACHIK kan pynthikna ba ka sienjam ba la shim da ka VPP pyrshah ïa ka hukum jong ka Ïingkashari kan nym ïohi ïa ka jingïeng pyrshah na baroh ki paidbah ka Ri-lum Garo.
Ha u prah long live bah arden we r with u 🙌😎😎🤘🤘💪💪
One combined policy for indigenous peoples of the state. Merge both reservation of khasi- jaintia and Garos 80% together. One state, one policy. No more discrimination in reservation.
VPP right move. Only in the Legislature members can discuss this issue, student body can intervene only student problems.
Lada laitkam 10 tylli 7 ioh u garo 3 ioh u khasi katta ruh phi ong kala biang bha, ka khwan shimet iaka jait bynriew garo ta ruh phi ong ka biang, ko sniang, u khasi u don 30 lak u garo u don 15 lak, ta ruh phi ong ka bniang, iaid shaphrang vpp ngin kyrshan iaphi met bad mynsiemm, ha Jing shisha lei2 dei ban ioh u khasi 7 naka 10, u garo 3 namar ba u kham bun paid u khasi.
ka long shisha ka jing leh shiliang ha ka ioh kam ioh jam ianujor ngi bad u Garo dei ban kylla noh. ka biang bha kane ka phang ba la plie da ka vpp.
u khasi u dei hok ban ioh ia ka kam 75 na ka 100 ia kaba tam dei hok ban ioh u garo namar, lada ia nujor ia ka jibgbun paid ruh u garo u dang don tang ⅓ na u paid khasi..kmta ka jingwan rah ka vpp ia kane ka mat ka long kaba biang eh bad ka longruh kaba mntoi ia u paid khasi baroh kawei… vpp ka dei shisha ka party kaba iohi jngai ia u paid riewlum…
No more discrimination…..so stop talking about reservation policy and to remain as it is……
Iaid shaphrang vpp we love u n God loves u