Khyrwit ka NSCN(K) ha ktem shipai

Itanagar, 7 Jylliew:
Ki suba lehnoh NSCN (K) ki la ther kuli ha ka ktem jong ki shipai Assam Riffle (AR) kaba don ha ka thain Lazu ha Tirap district ka Aruna chal Pradesh, katei ka jingjia ka la jia mynta ka sngi u blei hadien lai sngi ka jingsiat iap katei ka kynhun ia ki 18 ngut ki shipai.
Ki la don kumba 35 ngut ki dkhot ka NSCN (Khaplang) kiba la hiar thma ha ka ktem ki Assam Riffle kaba don ha khappud ka India bad Myanmar, ha ka por 2:30 baje mynstep, iathuh u SP ka Tirap District u Ajit Kumar Singla.
Ha katei ka jingjia kam shym la don kano kano ka jingmynsaw naba ki shipai ki la husiar lypa naba ki la ioh jingtip na ki bor syntiat ba ki don ki dkhot seng lehnoh kiba iaid ha katei ka jaka, ha katei ka por la iathuh ba ki shipai ki la kthong kylla ia kitei ki lehnoh hynrei ki la ioh phet krad noh ha ka jingdum ka miet, u SP u la iathuh ba ka jingiather kuli markylliang ka la neh kumba 10 minit eiei.
Na katei ka jaka ki shipai ki la ioh kurup kumba 70 tylli ki snep kuli ka AK-47, ki bom bym pat pyn bthei na katei ka jaka ia siat, ki dang wad shuh shuh ha katei ka jaka ba jia katei ka jingjia. Lah ban kdew ba katei ka dei ka jingjia kaba ar hadien ba ka NSCN(K) ka la kam ba ka la siat ia ia ki 18 ngut ki shipai ka 6th Dogra infantry regiment ha Manipur ha ka 4 tarik u jylliew.