U Om Birla, lamphang ka dorbar Lok Sabha, ula ioh ia ka jingpang iabit jong ka Covid-19 bad mynta, u don ha ka jingshah sumar ha ka AIIMS Covid Centre ha Delhi.
Ka khubor jong ka AIIMS, ka iathuh ba U Birla, ula ioh ia ka pang khlam covid 19, ha ka 19tarik Lber 2021 bad ula shah sumar ha ka sngi kaba bud. “U shait u khlain ia mynta bad baroh ki jingthew ki biang lut” ong ka khubor.
Da ka jingioh pang covid jong U Birla, kumta kan long kaba eh, ban iakren, la kan ktah ha kano ka dur, ia ka dorbar Lok Sabbha, kaba dang iaid mynta sha khmat.
Ha u snem ba ladep, la dei ban pynkut kyrkieh ia ka dorbar jong ka Parliament, haba ki don 30ngut ki MP, kiba ioh pang khlam corona bad kitei ki kynthup ia U Nitin Gadkari, Prahlad Patel bad shibun ki myntri ka sorkar India, ki ioh pang covid 19.
Phi don ban ong eiei?