Khyrwit ka Israel, ia ka ambulance, iap 15ngut, mynsaw 60ngut ha Gaza

Gaza: Ka tnat ka koit ka khiah jong ka Gaza, ka pyntip, ba ka Israeli, ka la ther bom, ia kawei ka kali kit nongpang, ha ki bynta ba shatei jong ka Gaza, ha kaba 15ngut ki briew, kiba don ha katei ka kali, ki la iap bad sa 60ngut kiwei pat ki la mynsaw.

Katei ka jingjia, ka dei hajan jong ka Al-Shifa hospital, katba ka Israel, ka kyntait ia katei ka jingkynnoh jong ka Gaza, hynrei, ka pynshai, ba katei ka dei ka kali kit lehnoh bad haba ki shipai Israel, ki la peit bniah, ba kiba don ha katei ka kali, ki dei ki lehnoh Hamas, kumta, ki la ther syndon da u bom, uba khlain bor bha.