Khyrwit ka Iran, haduh 200 tylli ki namding sha Israel

Tel Aviv: Ka Israel, hynnin ka miet, ka la siat pynhap ia ki 200 tylli ki namding jong ka Iran bad ki drone, ha ka jingshah hiar thma jongka, hynnin ka miet. Ki liengsuin iapom, ki iakhun tyngeh, ban pynhap ia kitei ki namding bad la iathuh ba kawei ka khynnah rit, ka la mynsaw, ha ka jinghap jong u namding bad sa ka ktem shipai, kaba la julor thiaw, na kitei ki namding ka Iran.

Ki shipai Israel Defence Forces (IDF), ki iathuh ba ia kitei ki namding, la ioh ban siat pynhap, ha ki khappud jong katei ka ri. U nongkren jong ki shipai Israel, U Rear Admiral Daniel Hagari, u iathuh ba ki don khyndiat tylli ki namding, kiba leit hap ha ki bynta ba shathie jong ka Israel.

Ki shipai jong ka England bad ka America ruh, ki la pynhap ia bun bah kitei ki namding, ha khappud jong ka Iraq bad ka Syria, ong ka khubor na Israel.

Katei ka jingsiat namding bad pynher drone jong ka Iran, ka neh haduh 5 kynta antad, ong ki shipai jong ka America.