Ka eriong bah Titli, ka la khyrwit ia ki rud um jong ka Odisha ha ka por 6.15 mynta ka step, ha kaba ka jingstet jong katei ka eriong, ka long 126 Kilometre ha ka shi kynta.
Na ka liang jong ka tnat Indian Meteorological Department (IMD), ka shim ba kane ka eriong, kaba mynta, ka long kaba khlain bor haduh katta katta bad la iathuh ba kan don ka jinghap slap kaba jur, kan lah ban don ka jingshlei um ha ki katto katne ki bynta ka Jylla bad nangta sa ka jingjur jong ka jingbeh lyer.
Katei ka jingkhie ka eriong, kan tlot bor haduh lashai ka shiteng synnia jong ka 12tarik Risaw, ha kaba kan thanda bad jem jai ha kaba kan duna ka jingkhih ki dew ha ki rud um jong ka Odisha.
Palat 3lak ngut ki briew, ki la kynriah noh na ki rud duriaw jong ka Gopalpur, sha kiwei pat ki jaka ba kham shngain.