Khyrwait u coronavirus, ia u nongbat bor kynthei ka hollywood

U Harvey Weinstein, uwei na ki nongbat bor kynthei uba takra bha jong ka hollywood, mynta, ula shah khyrwait ha u coronavirus.

U Weinstein (68), u don ha ka jingshah sumar ha Wende Correctional Facility ha Western New York.

U Weinstein, un hap ban shong patok 23 snem kynthih, namar katei ka kam bat bor kynthei jongu bad ula leh shait ia ka Mimi Haleyi, kaba u iatrei lang ha ki kam pynmih phlim ha u snem 2006 bad nangta ula bat bor ruh ia ka Jessica Mann, ka aktress kaba bhabriew bha ha u snem 2013.

Ym tang katta, ki don da ki spah ngut kiwei pat ki kynthei, kiba kynnoh ba U Weinstein, u don kti ha ki kam leh shait ha ki rukom bapher bapher bad kiba shah bat bor ruh ia u, ha ki bun bun snem ba ladep.