Shillong:Ka KSU Mawlai Mawïongrim Unit kum ka dak ban ïa khun ïa ka jingrung kyrthep ki mynder; mynhynnin ka sngi, ka 18tarik Naiwieng 2022 ha ka jingïalam u President bad General Secretary jong ka Unit ka la pynlong ïa ka jing khynra ïa ki nong bylla bar Jylla kiba wan bylla ha katei ka Shnong khlem kino kino ki kot pyn shisha ïalade nangno ki wan bad khlem ka syrnod ba tikna na ka tnat pulit jong ki Shnong ba ki wan la ki dei kiba la don dak sniew ne ki dei ki riew bymman pynban, kumta ha katei ka sngi na ka liang katei ka shnat treikam kala ïoh ban leit khynra ha ki 3tylli ki jaka, ha katei ka jing khynra ha ki 3 jaka kata ha Silicom bad ha Rymbai Filling Station bad MLP.
Na ka liang jong katei ka shnat treikam ka la pyn sangeh mardor naba kim lah ban pynbiang lane ban leit shim syrnod nong bylla (Work Permit ) naka tnad Labour ban pyn shisha sha ka Seng.
Na ka liang katei ka shnat treikam kala maham ïa baroh ki nongai kam (Contractor) ba ki dei ban aikam shwa ïala ki para doh para snam bad lada kim ïoh kim dei ban wanrah da ki jiw jiw jaw jaw kiba ngim tip naka Jylla aïu ki wan bad ki dei ki briew kiba long kumno haka ïaid ka ïeng jong ki hala Shnong, ong ka kyrwoh na u Samla Macdonald Jitem, General Secretary KSU Mawlai Mawïongrim Unit.
Tang ka beh shi beh…Shano ka Ain shnong ka jah..Hap ap pyrman ban ki sengbhalang..Lada ioh jingmyntoi u sengbhalang Ong ba dei Sengbamlang..Lada kumta balei hap Piet bad bat tang ki sengbhalang..Ki nongsynshar shnong ki leh aiu?Lada pan ILP ruh um ioh..Lada ioh ILP kine ki bar jylla ba shah kem khlem kot ki poi biet sha jail..lah suk iaka shnong, sengbhalang,labour department etcpaidbah kyrduh Kam bad hangne phi iohi kiba nabar ki ioh Kam…kumno ka long kumta.