Khynra mynder ka KSU Mawroh

Shillong,13 Jylliew:
Ka KSU Mawroh Unit hadien ba ka la ioh jingtip ia ka jingdoAn jong ki mynder kiba wan ban trei khlem kot khlem sla ha ki katto katne ki jaka ha ki bynta jong ka shnong Mawroh, naka liang jong ka Seng ka lah leit khynra ia ka thain FCI bad ha kiwei de ki bynta jon gka shnong Mawroh.
Ha katei ka jingleit khynra ka seng la lap ba ki la don haduh 40 ngut ki nongbylla kiba dei ki bar jylla kiba la kam ialade ba ki dei na Assam kim biang kot biang sla, ba kitei ki nongbylla ki dei kiba trei ha ka site jong ka FCI, ka KSU ka la iathuh ba kitei ki khar bylla kim don ia ki work Permit bad kiwei pat ki kot ki sla. Ka KSU Mawroh Unit ha katei hi ka sngi ka lah pynsangeh trei ia kitei ki bar jylla bad beh noh shi syndon sha ka jaka ba ki wan.
Ka KSU Mawroh Unit ka maham tyngeh ia ki kontraktor bad ki briew shimet kiba wan ialam iaki bar jylla ban wan trei hapoh u pud u sam jong ka Mawlai Mawroh, ba ki dei ban pynbiang ha ryngkat bad ki kot ki sla kiba biang kum ka Work Permit, bad ka la maham ruh ba lada ka lap ia kino kino kiba leh pyrshah na ka liang ka seng kan shim da ka jing pynshitom ba tyngeh.
Ha katei hi kajuh ka sngi na ka liang ka seng hadien ba ka lah ioh ia ka jingujor na ki nong shong shnong jong ka Mawlai Mawroh ia ka jing ieng kali khlem akor jong ki trok ha FCI ha ka por long skul mynstep bad ha ka por wai skul janmiet kaba lah ktah ia ka leit ka wan jong ki paidbah. , ka la leit ia kynduh iaki bor ba dei peit ha FCI ba ki dei ban pynbeit noh mardor ia ka rukom pynieng iaki trok khnang ba kan nym don pat ka jingktah ia ka jing leit jingwan jong ki Paidbah, ong ka kyrwoh na President ka KSU Mawroh Unit u samla Eddie Malngiang.