Ki pulit jong ka Dimapur, ki la leit khynra ia ki jaka die met ha New Market bad hangtei, ki la lah ban pyllait ia 17 ngut ki kynthei kiba la pyndonkam ha katei ka kam. Ki pulit ki la kem ruh ia 6ngut ki briew.
U Additional Commissioner of Police jong ka Dimapur, U Relo T Aye, u iathuh ba ki 40ngut ki pulit jong ka Dimapur, ki la leit ban talasi ia kitei ki jaka sah miet bad ki la lah ban pyllait ia 17ngut kitei ki kynthei bad la kem sa 6ngut kiwei pat kiba donkti ha katei ka kam.
Kito kiba la shah kem ki long U Amit Prasad (18) na No I Bokolia Balijan kaba hap ha Bokolia Police Station ha Karbi Anglong district jong ka Assam, nangta U Md Almas Ali (19) na Palhim Sabar Ali Village ha Morazar Police Station jong ka Hojai district jong ka Assam, U Medozhosa (33) na Tenyiphe-I, Dimapur, U Hojrat Ali (22) na Romari kaba ha Nagaon district jong ka Assam, U Ajay Chandra (38) jong ka Phukan Nagar ha Sivasagar district jong ka Assam bad U Saidul Islam (27) na Daupura ha Kampur jong ka Nagaon district ha Assam.
Phi don ban ong eiei?