Jowai: Myn hynnin ka sngi ka bor District, West Jaintia Hills naduh ki sahep majistor, ki pulit bad ki sahep jong ka Jowai Municipal Board ki la beh krat ia ki nongdie jingdie ha ki lynti iaid kjat ha baroh shi lynter jong ka Iawmusiang, Jowai.
Na ka liang ka bor District ka la shim ia kane ka rai namar ba ki nongdie jingdie ha ki footpath ki iai ialeh pyrshah ban pynlong ia ki lynti iaid kjat kum ki jaka die jingdie bad ka la buh ia ka jingma kaba khraw ia ki nongleit nongwan khamtam eh ia ki khynnah skul kiba hap ban iaid na surok ha ki jaka ban pyndonkam ia ki lynti iaid kjat.
Ka Bor District ha kine ki khyndiat sngi ka la dep pynbna paidbah ruh ba kan khang pyrshah ia kino kino ki nongkhaii kiba pyndonkam ia ki lynti kjat kum ki jaka die jingdie.
Na ka liang ka bor Pulit ka la buh ia ki pulit pahara na peitngor ia kito kiba ialeh pyrshah.