Shillong,11Jylliew:
Hynnin ka sngi por 4:30 baje janmiet, ki pulit ki la leit khynra ia ka ophis jong ka Falcon Group of Company, kaba don ha Upland Road, Laitum khrah hadien ba ki la ioh jingtip ba ka tei ka kompeni ka ju lumjingkynshew pisa khlem da don ki dulir ba biang. Ha kaba iadei bad kane, ki pulit ki la kem ia u General Manager, u Marabendra Talukdar, 25 snem bad u Deewan Abdul Khayer, 32 snem.
La tian bishar ia ki hynne ka sngi ha Kashari, kaba la hukum ba ia u Marabendra hap ban tohkit san sngi hapoh ka Police Custody. U Deewan pat u don mynta ha hospital namar ba u ioh jingshitom sahiaw.
Kane ka kompeni ka la trei la shi snem tam tangba kam pat ioh lum pisa bun, la iathuh u Addl SP Crime Bah Vivek Syiem. Ki kular ban ai ka sut kaba heh ia kiba wan kynshew pisa. Ka la buh ki agent kylleng ki jaka ka Meghalaya.
Phi don ban ong eiei?