Khynra kali ki pulit ha Nongthymmai, shah kem 2ngut, kurup ia ki tiar na Iewmawlong

Shillong: Ha ka 2tarik Nailar 2022, ki pulit jong ka Nongthymmai, ki la pynlong ka jingtalasi kali ha Nongthymmai bad ha katei ka jing talasi, ki la ioh kem ia arngut kiba donkti ha ki kam tuh kam thied ha Rynjah bad kitei kiba la shah kem, ki long U Bah Wanstep Lyngdoh (27) na Nongrim Hills bad U Bah Banroplang Jyrwa (24) uba na Rngijynriew Neng Nongthymmai.

Kitei ki arngut, ki la phla, ba ki donkti ha katei ka kam tuh, kaba la ejahar, kat kum ka Rynjah PS Case No.117(07)2022 U/S 454/380 IPC bad ba ki la die ia kitei ki mar, ba ki la dep tuh sha Ïewmawlong. Ha ka 3tarik mynta u bnai, ki pulit jong ka Cantonment, ki la ioh pat ia kitei ki tiar, kiba shah tuh bad kitei ki kynthup ia ka Asus laptop, nangta 2tylli ki HP laptops, kawei ka Dell laptop, kawei ka Canon Power shot SX430 IS, kawei ka Canon camera IXUS bad kawei ka VIVO mobile phone.