Shillong 26 Naitung: Ki pulit ka KHADC bad ki pulit ka Shillong City (SPCT) hadien ba la mih ka hukum na ka Deputy Commissioner East Khasi hills district, ban leit khynra ia ki dukan die kyiad ki ba long beain (illegal) ha iewduh, ki nongsah miet ha ki iew bad la khynra lang ruh ia ki dukan thoh team ki ba long beain.
Ha kane ka jingkhynra ka ba la long mynta ka sngi thohdieng ka 26 tarik Naitung 2024, la lap ia shibun ki kyiad ki ba buh ha ki borti bad ba la thep ha ki plastik ki ba die beain ha ki dukan hapoh iew.
![](https://www.urupang.com/wp-content/uploads/2024/07/img_20240726_1355014943832976151896569.jpg)
“Nakaliang ki pulit bad ki bor district hadien ba la ioh ban kurup ia kitei ki kyiad na ki dukan, ki la theh lut plain ia ki kyiad ha madan khlem da pynsah wat tang khyndiat ruh”.
La sakhi ruh, ba hapdeng ka jingkhynra ki bor district bad ki pulit la lap, ba kawei ka dukan die kyiad beain ka ba la khang sbak nabar hynrei hapoh jong katei ka dukan la don ki briew ki ba dang ia muja ban ia dih kyiad, hadien kata ki bor pulit bad ki bor district ki la rung bad phah mih noh ia ki briew ba dieh kyiad bad la phah khang noh shisyndon.
![](https://www.urupang.com/wp-content/uploads/2024/07/img_20240726_1307036756734113017969367.jpg)
Ym tang ka ia die kyiad beain hapoh iew poh hat hynrei la sakhi ruh ia ka jingjaboh ka ba la wanrah ia ka jingsma iewtung ka ba i saitmet ban peit.
Ha kane ka jingkhynra la iadonlang ki pulit ka KHADC, ki pulit ka Shillong city, ki bor pyniaid district bad ki bor pyniaid ka KHADC.
Phi don ban ong eiei?