Shillong: Ka Hynniewtrep People Federation (H.P.F) Tyrso Circle kaba hap hapoh Ri Bhoi District, hapoh ka jingialam u Bah Jesril Mangu, President, Tyrso Circle ryngkat ki nongialam ka Ri Bhoi District, ka la hiar ban khynra bar jylla ha kylleng ka thain border kaba hap hapoh ka thain Tyrso kum ka Block II, Mawlasnai, Umjatalong, Umsaw, Umshyngkat bad Birsiej. Katei ka jingleit khynra, ka dei halor ka jingioh khubor na ki paidbah nongshong shnong jong kitei ki thain ba ka jingwan rung beain ki bar jylla.
Na ka liang ka seng, ka la lap katto katne ki bar jylla ba khlem kot khlem sla (kum ki EPIC, ne kino kino ki kynja Identity Proof) kim shym la don satia bad ki bad ka jubab jong ki ruh kam shym la long kaba biang, kumta ka Seng ka la phah noh ia ki na ka jaka ba ki wan. Ka Seng ka kyntu jur ia ka Sorkar Jylla ba kan shim khia noh ha ba iadei bad ka Inner Line Permit (I.L.P) khnang ban nym ioh rung laitlan ki bar jylla shapoh ka jylla.