Shillong: U President ka Meghalaya Pradesh Congress Committee (MPCC) u bah Vincent H Pala, u la ong ba ka jingmih jong ki MLA, ki MDC bad katto katne ki nongkitkam jong ka party Congress ban pyniasoh sha ka party All India Trina mool Congress (AITC) ka dei tang ka jingbud matlah ia u Dr Mukul Sangma.
“Ka jing kynnoh jong ki, ba ka dei na ka daw jong nga, ba bun ki mih na ka party Congress, ka dei tang ka daw ba ki hap ban pynpaw, hynrei ka jingshisha ka dei tang namar ba ki la bud matlah ia u Dr Mukul Sangma bad namar ba kim don kano kano ka daw ba kin ai kumta ki la shu kynnoh ia nga”la ong u President ka MPCC u bah VH Pala, sha ki lad pathai khubor.
“Ha ka jingshisha naduh ba la ieh u Dr Mukul Sangma ki bun na ki samla kiba la wan ban ia kynduh ia nga ban pynpaw ia ka jingkmen jong ki, ba hadien ba u Dr Mukul Sangma u la mih na ka party mynta ka kynti ki kyrmen ba kiwei ki kyrtong ki ba dang kham khynnah kin iohlad ban mihkhmat na ka party”u la bynrap shuh shuh.
Haba kylli u la ong “Ka long ka jingiapher shibun haba ia nujor ia ki national party bad ki regional party. Ha ka por ba u bah Prestone Tynsong u la ieh ia ka party Congress, u Dr Mukul Sangma u ju ong ba balei u bah Prestone u ju leit hiar Culcutta man ka por sngewbha wad RTI;mynta ruh ialade u Dr Mukul u hiar Culcutta man ka por, nga tharai ba kam don ka jingiapher lada phi hiar sha Culcutta lane Delhi haba ngi don kano kano ka rai ka ba donkam ban ia syllok ngi donkam ban ia syllok bad ki High Command”.
Ko bah pala ngi tip bha ba phi shu thied ia ka shuki ban long president jng ka congress ha Meghalaya tang namar fi kwah long CM jng ka Meghalaya