Shillong:Ki samla nongïalam bad ki dkhot ka seng Hynñiewtrep Indigenous Territorial Organisation (HITO) kila khylliap noh ïa ka lama jong kane ka Seng ha Ri-Bhoi District, da ka jingrai ban ïamih paidbah noh shisien mih na kane ka seng namar ka jingkynnoh leh donbor u President ka Seng Kmie.
Ïa kane ka jingmih seng jong baroh ki Nongïalam bad ki Nongkitkam ka HITO ha Ri-Bhoi, la pynbna da u Secretary ka HITO Ri-Bhoi u Bah Kenny Nongrum bad u Vice President Bah Elvis Kyrsian.
Kine ki nongïalam ki la pyntip ba baroh ki Nongïalam bad ki Nongkitkam ka HITO Ri-Bhoi kila shim ïa kane ka sienjam namar ka jingpyrshah ïa ka jingpynbna ba syndet syndet jong u President ka Seng Kmie u Bah Donbok Dkhar ha ki social media Group ba ula weng kam ïa u President bad Working President ka Ri-Bhoi District.
“Ngim lah ban pdiang ïa ki rai shimet u President ka HITO khlem da tip lang baroh ki dkhot ka Ribhoi,” ki la ong.
“Da ka jingïatylli bad shaniah ha la ki nongïalam ka District ngi la shim lang ïa ka rai ban mih noh baroh ki nongkitkam ka District bad ki Area kum ki dkhot ka HITO bad ban bteng ïa ki kam paidbah lyngba ka Ribhoi Youth Welfare Organization kaba la seng naduh u snem 2017,” ki la bynrap.
Kine ki nongïalam kila ong, “Ngin shakri paidbah noh ha la ka dong ka thaiñ Ribhoi shwa,” ong u Bah Keny Nongrum.
Ka sorkar ka ladei bn pynjari ki kyndon ia ka jingbun palat ki sengbhalang ha ka jylla