Khyllem ki nar ilektrik, naba ther u slap bad ka lyer bajur

Shillong: Ki nar electric, ki la khyllem ha Umdap dumu ri bhoi dist, ba wan u slap ryngkat ka jingbeh ka lyer ba jur. Kane ka jingjia ka dei ha ka por 4 baje janmiet ka 5 tarik Nailur. Bun tylli ki post sainar electric ki la kyllon hapoh shnong, ki dieng kwai, ki dieng kait ruh bun tynrai ki la kyllon ha kane ka jingjia. Ka shnong baroh ka wei ka la hap ban shong dum, namar ba la bun ka jingjulor jong ki nar electric Ha kane ka jing jia donbok ba ym shym la don kano kano ka jia ba sngewsih.Kane ka long katkum ka kyrwoh, ba la phah da u Albert Maring, uwei na ki nong shong shnong ka Umdap dumu.