Khyllem ka kynroh ka skul Presbyterian ha Dawki

Shillong, 25 Iaiong:
Ka kynroh jong ka skul Presbyterian kaba don ha Bakur, Dawki ka la khyllem ha ka miet saitjaiñ jong ka taiew,bad ha katei ka jingjia ka twa ka la bam shaduh sha phyllaw jong katei ka skul bad mynta katei ka skul ka don ha tmier bah kaba i kumba kan sa khyllem. Katei ka skul ka dei kaba la don la 22 snem mynta bad ka don ha syndah ka ing mane Presbyterian. Ki nongpyniaid katei ka skul ki la lap ia katei ka jingjia ha ka step kaba bud. Ym shymla don kano kano ka jingmynsaw briew ha katei ka jingjia. Katkum ka jingiathuh ki lad khubor la ong ba katei ka kynroh kaba twa ka dei kaba la shna shiteng da ka balang Presbyterian bad shiteng pat la shna da ka tnad PWD.