Khusnam Pulit pyniaid kali

Shillong, 5 Iaiong:
Ka Smart Charitable Trust ka la ithuh ia ka jingtrei shitom ki pulit pyniaid kali ha nongbah Shillong bad ka la ai khusnam ruh sha ki 2 ngut ki pulit kum ka dak ka jingithuh ia ka kam ba ki trei.
Ki pulit pyniaid kali ba la ioh khusnam ki long ka Women Police Head Constable ka Sabitri Rabha na Laitumkhrah Traffic Branch bad Head Constable Chandradhar Basumatry na Madanriting Traffic Branch , katei ka khusnam la tip kum ka “Best Shillong Traffic Policeman Award” na bynta u snem 2016-2017, la ai ia ki da ka syrnod bad ki jingai sngewbha ban buh jingkynmaw.Ia katei ka Trust la sdang ban wanrah da u Shri. Prashan Naik, Retd. IAS. Ex Addl. Chief Secretary, ka sorkar jylla bad kiwei pat da ka jingthmu ban ithuh ia ka jingtrei shitom jong ki pulit ha ka imlang sahlang da kaba ai khusnam ia ki khnang ban nang pynshlur ba kin long smat ha ka kam.
Kiwei pat ba la donlang ha katei ka jingsam khusnam ki long u Shri Davis N R. Marak, IPS. Superintendent of Police, East Khasi Hills, Shillong. Shri Vivek Syiem, MPS. Superintendent of Police (City), Shillong, N K. Syiem, MPS. Superintendent of Police (Traffic), Shillong bad Dr. Sacheng R Marak, MPS. Addl. Superintendent of Police (Traffic), Shillong bad kiwei pat ki ophisar.