Shillong: Ka Meghalaya State Kickboxing Association (MSKA) ka la wanrah khusnam na ka lumpung ialehkai ka sngi ba nyngkong bad baar ka WAKO-India Senior National Kickboxing Championship 2018 kaba long ha Kolkata naduh ka 2-5 tarik Nohprah ha Kshudiram Anushilan Kendra.
Kiba rah takma ki long Babit Kharsahnoh -rupa (51kg), Sparkle Rynghang – rupa (57 kg), Pynbaitwan-I Kanai- rnong (51kg), Khrawjutang Kharsyntiew – rnong(57kg), Tyllishanglang Kharpein- rnong(45 kg), Nangsan Marbaniang – rnong (51kg), Hame Shaniah Suiam-rnong (57kg), Tyllishanglang Kharpeiñ -rnong (Musical Form Hard Style Bare Hand Senior Men).
Kiwei pat kiba khur takma ha ka sngi baar ka jingiakhun ki long Marshal Mawiong – ksiar (54kg), Pynshrainmiki Rabon, ksiar ( 67kg), Pappu Thapa – rnong 51kg), Stepphyrnai Kharpein rupa ( 51kg) , Badondorlang Nongrang – rnong (51kg), Rebacca Marwein – rnong (50 kg).
Haduh mynta ka jylla ka khur 2 takma ksiar, 4 rupa bad 9 rnong kaba long baroh 15 tylli takma.
U Hame Shaniah Suiam un iakhun mynta ka sngi na ka bynta ban iaknieh ia ka nam Point Fighting lahduh.