Shillong: Ka kynhun ka Boxing Association of East Khasi Hills, ka la khur takma bun tam na ka lumpung bad rah ruh ia ka khusnam lahduh napden gbaroh na ka lumpung iakura, ka State Sub Junior Men bad Women Boxing Championship 2018-19 ba pynlong da ka Meghalaya Boxing Association (MBA) kaba la kut ha kane ka 2 tarik ha Indoor Sports Hall, Mawlai, Mawroh.
Ka Rising Star Boxing Association ka la wan baar napdeng baroh.
Ha kane ka jingialehkai, ia ka nam ka Best Boxer Boys la rah da u Mack L Marshillong ka Green Heart Boxing Club, Most Promising Wanlambok Shynret ka Boxing Association of East Khasi Hills, Best Boxer kynthei Monalisha Vishlux ka Rising Star Boxing Association, Most Promising Girls Bainlumlin L Nongpiur ka Boxing Asso-ciation of East Khasi Hills.
la sam ia ki khusnam da u kongsan u Bah Hamletson Dohling, Myntri ka kam pynroi sor jong ka sorkar jylla ba la don lang u Bah D.Dan, District Sports Officer, East Khasi Hills kum u symbud kongsan, kiwei nalor President MBA, Bah Larry Kharpran, Secretary bad baroh ki Executive member jong ka MBA.
Haba kren ha kane ka sngi, u Bah Hamletson Dohling u la ai ka jingiaroh ia ka Meghalaya Boxing Association kaba pynlong ia kane ka lumpung ban ai lad ia ki khun samla shynrang bad kynthei.