Khur namjop u Johnny Nongrum, ha ka Indian Fight Series ha Lucknow

Nongpoh: U Samla Johnny Nongrum na Byrnihat, uba dei uwei na ki rangiakura ba paw ha ka jylla bad uba dei ruh u Sports Secretary ka KSU NKHD Unit, u la khur ia ka namjop ha ka lympung ia kura ne ka Main event jong ka Indian Fighting series, kaba la long ha Nongbah Lucknow ha ki tarik 22-24 tarik mynta u Bnai.

Ka long ruh ka jingshisha, ba u samla Johnny Nongrum, hadien katei ka namjop kaba u la ioh ban khur na katei ka lympung iakura ha Lucknow, u la ioh sa ia ka lad ban mihkhmat na ka ri sha ka lympung ialehkai Muaythai ka ban sa long ha ri Combodia.

Halor katei ka nam bad burom kaba la wanrah da u Johhny Nongrum, ka KSU Ri Bhoi, ka la ai ka jingkhublei kitbok kitwriang ia utei u samla, ba un dang iai lah ban pynjanai shuh shuh ha katei ka jinglehkai, khnang ba un danglah shuh shuh ban wanrah nam ia ka jylla bad ia ka jaid bynriew.