Khur namjop ka Mawtneng bad Thadnongiaw ha kaba sdang ka RBL Bhoirymbong Zone

Nongpoh: Ka Mawtneng Sports Club lem bad ka Thadnongiaw Sports club, ki la ioh ban khur ia ka namjop ha kaba sdang jong ka Ri Bhoi League, Bhoirymbong Zone, kaba la sdang ha ka sngi Saitjain ha Madan ialehkai ka Sohraman, Bhoirymbong.

Ha kaba sdang jong katei ka Bhoirymbong Zone,ka jingiakhun kaba nyngkong ka la long hapdeng ka Mawtneng SC pyrshah ia ka Mawthei SC, ha kaba ka Mawtneng SC, ka la kham lah ban tehlakam ia ka jingiakhun tad haduh ba kan pynliem haduh 4-1 pyrshah ia ka Mawthei SC bad khur syndon ia ka 3 Points ha kaba sdang jong ka Bhoirymbong Zone.
Katba ha ka jingiakhun kaba ar, ka la long hapdeng ka Thadnongiaw SC pyrshah ia ka Umroi SC bad ha katei ka jingiakhun, ka Thadnongiaw SC ka la ioh ban khur ia ka 3 Points kaba pura, hadien ba ka la pynliem noh ia ka Umroi SC da 3-1 kol.
La sdang ia katei ka Bhoirymbong Zone jong ka Ri Bhoi League ka Ri Bhoi District Sport Association, ha ryngkat ka jingdon u Bah Raja Brahman, BDO ka Bhoirymbong C&RD Block kum u kongsan, ha ryngkat ka jingiadon lang ki Rangbah Shnong,ki riew pawkhmat katei ka dong lem bad ki Officials ka RBDSA ki kynthup ia u Bah R B Shadap President, u Bah Dipshon Ryntathiang Secretary, u Bah B.K Suting u wei na ki Founder ka RBDSA lem bad kiwei de.