Shillong: Ka Nongtyngur Sports Club ka la khur ia ka song pisa kaba T.1.40 lak hadien ba ka la rah ia ka nam lahduh jong ka lumpung 19th Riwar Cup Invitation Football Tournament da kaba pylliem ia ka Nongmadan Sports club ha ka jingiakhun ha ka sngi Saitjain madan Bakur.
Ka Nongtyngur ka la pynliem ia ka Nongmadan da 3-1.
Ha ka jingiakhun, ka Nongtyngur ka la thep da u Restarwel Marbaniang ha 6′, Basuklang khonglamet 72′, bad u Stoperwel Tangsong 75′ katba ia ka Nongmadan la thep da u Ribar dkhar 27′.
Ia ka nam Top scorer la ioh da u Primose Lamat naka Mawlong, katba ia ka nam best player la ioh da u Bansan Khongsdam naka Nongtyngur bad u best goalkeeper la ioh da u Banpynskhem Khongbuh naka Nongtyngur.
Ka Nongtyngur kala ioh rah iaka song pisa ba T.1.40 lak (shilak sawphew hajar) bad ka khusnam katba ka Nongmadan ka ioh iaka song pisa ba T. 80 hajar (phra phew hajar).
La sam ia ki khusnam da u myntri sorkar ka Border Areas u bah Lahkmen Rymbui ryngkat ka jingdon lang ki riew rangbah ka thain. Kane ka long ka kyrwoh na u bah Daniel Khongsit u president Bakur Social welfare Sports Club.
Phi don ban ong eiei?