Khur ka Congress ha baroh 5 tylli ki Konstitewnsi ha Ri Bhoi

Nongpoh: Ka Party Congress ka la sar naphang ha baroh 5 tylli ki Konstitwensi ha Ri-Bhoi, ha kaba la lap ba ha kitei ki 5 tylli ki Konstitwensi u Kyrtong ka Congress u Ma Vincent H Pala, u la lah ban tam ban ia u Dr. Jemino Mawthoh, u Kyrtong monlang ka Sorkar MDA.

Haba phai tang ia jingkhur Vote da kitei ki kyrtong kiba iaknieh ha ka kyrdan kaba hakhmat, hynrei u Ma Vincent H Pala, u la tam bunshah halor ka jingioh vote u Dr. Jemino Mawthoh, ha kaba na Mawhati u la ioh ban khur haduh 15404, katba u Dr. Jemino Mawthoh u la ioh tang 5792 votes, ha Jirang u la ioh ban khur haduh 15234 votes u kyrtong ka UDP u la ioh tang 6008 votes, ha Umsning u la ioh 15485 votes, u kyrtong ka UDP u la ioh tang 5420 votes, ha Nongpoh u la ioh ban khur haduh 15151 votes bad u kyrtong ka UDP u la ioh tang 5256 votes bad ha Umroi u la ioh 11896 votes bad pynliem ia u kyrtong ka UDP  uba la ioh tang 6420 votes.