Nongstoiñ: Ka kynhun ialehkai jong ka Boca Juniors FC na Garo Hills, kala ioh ban khur ia ka jingjop hadien ba kala lah ban pynliem noh ia ka kynhun ialehkai jong ka Amigos FC kaba na ki thaiñ Mairang ha ka jingiakhun kaba phra jong ka lympung Rani Motors Knock Out Football Tournament 2018 ia kaba la pynlong da ka Laitkseh Sport Club.
Shi bynta ka jingiakhun ha pdeng ka boca Junior na Garo pyrshah ia ka Amigos na Mairang ha ka lympung kynjatbol ha Laitkseh.
Haba phai sha katei ka jingiakhun kaba la long hynne ka sngi ha ka Madan Mawkynjoiñ Laitkseh la sakhi ba na ka liang jong ka Boca Junior kala lah ban ialehkai kham bha ban ia ka Amigos FC ha kaba kala ioh ruh ban thep haduh 3 tylli ki kol katba na ka liang jong ka Amigos Fc kam shymla lah satia ban pynphai wat tang ia ka 1 kol ruh.
Ia kitei ki lai ki kol jong ka Boca Juniors FC la ioh ban thep da u Jacky Sangma ha ka 13 minit, u Budhar Marak ha ka minir kaba 53 minit bad u Artush Momin ha ka minit kaba 70 bad ha katei ka sngi ia ka nam man of the match la ioh ban khur da u Artush Momin .
Na ka liang ka LSC kala pyntip ba ka jingialehkai kaba khyndai jong ka wat kaba nyngkong jong katei ka lympung kan bteng biang sa ha ka 6 Tarik mynta u bnai ha kaba ka kynhun ialehkai jong ka Shillong Lajong FC kan iakynduh pyrshah ia ka Marbisu bad katei ka jingialehkai yn pynsdang noh ha kapor 2:00 Pm thik.