Shillong:Ha ka lympung I League ba la ialeh hynnin ka sngi ha SSA Stadium, ka Shillong Lajong ka la lah ban ioh sa ia ka jingjop kaba saw sien lynter ha kane ka lympung da kaba pynrem noh ia ka Churchill Brothers da 2-0. Da katei ka jingjop ka Shillong Lajong mynta ka ieng ha ka kyrdan kaba lai tang hadien jong ka Sreenidi Deccan da ka jingiapher ha ka jingioh kol.
Ha ka kylla step la iohi ba ka Shillong Lajong kam shym la ailad satia ia ka Churchill bad ha kane ka rukom ka Lajong ha kane ka kylla ka la ioh shibun tylli ki lad ban pyn rung ia ka bol tad haduh ka minit kaba 45 ba u Lai wang Bohham u la ioh ban thep ia ka kol kaba nyng kong jong ka Lajong da kaba thew beit beit sha ka jar na ka jingjngai kumba 4.5 meter ei ei.
Haba la sdang sa ka kylla miet, ka Lajong sa shisien ka la iai bteng ban pynkhluit ia ka jinglehkai bad kumne tang ha ka minit kaba 51 ka la ioh ban pynrung sa ia ka kol kaba ar kaba long pat da ka pe nalty ba la ioh ban kynjat da u Renan Pau lino.
Ki minit kiba sah pat jong ka jinglehkai la iohi ba ka Lajong ka dang ioh ia bun tylli ki lad ban pynbam ia ka liang pyr shah, hynrei ha kaba kut ka la hap ban hun noh tang ha ka jinglam khmat kaba da 2 kol pyrshah ia ka Churchill bad khur ia ki lai tylli ki poin ha kaba kut jong ka jinglehkai.
Da kane ka jingjop, ka Lajong ka dang ioh biang ban iakynduh bad kawei pat ka kynhun jong ka thain North East kaba dei ka Aizawl FC kaba yn ialeh ha ka 10 tarik Noh prah naduh ka por 2 baje janmiet ha SSA Stadium, Shillong.
Phi don ban ong eiei?