Mawkyrwat: Ka kynhun ialehkai jong ka Young Gun FC kaba dei na South West Khasi Hills District, kala ïoh ban khur ia ka jingjop bad bsuh khlieh syndon ialade sha ka Quarter phainal jong ka lympung V Invitation Football Tournament 2018-19 bala pyniaid da ka Mawten Sport Club.
U Manbha Iawphniaw jong ka Young Gun u bala ioh ban khur ia ka nam Man of the Match.
Ka jinglah jong ka Young Gun ban khur ia ka jingjop kadei hadien ba kala lah ban pynliem noh ia ka Baord Presidents XI ka kynhun ialehkai kaba na East Khasi Hills daka 2 kol la 1 kol ha ka jingiakhun ia ka pre quarter kaba la long ha ka sngi Balang jong ka taiew ha ka madan ialehkai ha Mawpyllun Mawten.
Haba phai sha katei ka jingialehkai kaba la long hapdeng kitei ki ar tylli ki kynhun kala long kaba itynnad bha bad ka Young Gun FC kala ioh ban pynkhih nyngkong ia ka jar ha ka minit kaba 35 lyngba da u Manbha Iawphniaw bad kumjuh ha ka minit kaba 59 ka Young Gun kala ioh ban khyrwit sa ia ka kol ba ar lyngba u tei u juh u rangialehkai.
Na ka liang jong ka Board Presidents XI watla kala iakhun tyngeh hynrei kam shym la lah satia ban pynphai ia kitei ki kol bad ha ka jingiai iakhun tyngeh ha ka kylla miet ka Board Presidents XI kala ioh ban pynphai ia ka 1 kol kata ha ka minit kaba 90 lyngba u Kamara u rangialehkai bar Ri bad tad haduh ban da kut noh ka jingialehkai Kam shymla lah ban pyniakhaid bad kala hap ban mad noh ia ka nam rem.
Ha katei ka jingialehkai ia ka nam Man of the Match la ioh ban khur da u Manbha Iawphniaw Jong ka Young Gun FC u bala thep ia kitei ki ar tylli ki kol kiba kynsai bad ia katei ka khusnam la sam da i kong O. Marboh i ba dei i wei i ophisar jong ka Amrit Cement kaba kyrshan ratbah ia ka Mawten Sports Club.