Shillong: Ka kynhun ialehkai ki heprit ka Mawlatbah SC Hawks ka la jop lai tylli ki jingialehkai ha ka lympung Meghalaya Baby League (MBL) 2018 bad kumjuh ka Langsning Greenergy Lions bad ka Nongthymmai GC Scorpions.
Ha kane ka sngi, la pynialehkai 15 tylli ki jingialehkai ha ki lai tylli ki madan ba kynthup ha madan 3rd Ground, Jawaharlal Nehru Stadium bad ha madan Futsal kiba don ha phyllaw ka Jawaharlal Nehru Sports Complex.
Ia kane ka jingialehkai la pyllong da ka jingiatreilang ka Tata Trusts, ka Meghalaya Football Association bad ka All India Football Federation.
Ka Mawlatbah Hawks ka la jop ia ka Unified Gorkha Gators ha ka jingialehkai kiba hapdeng ka rta 4-5, 6-7 bad 12-13 katba ha ka rta 8-9 bad 10-11 snem, ka la kut haka jingiakhaid khlem don ba lah ban thep.
Ka kynhun ialehkai ka ENE Falcons bad ka Langsning Greenergy Lions ki la long ki nongjop ha ka kynhun jongki.
Ka Scorpions ka Nongthymmai Grassroots Centre ka la pylliem ia ka JNS Jaguars ha ka jingiakhun jong kiba hapdeng ka rta 8-9.