Shillong:Ka jingiakhun ha ka lympung Shillong Premier League 2023 hynnin ka sngi ba la ialeh ha SSA Stadium, Polo, hapdeng ka Shillong Lajong FC bad ka Nongthymmai SC la iohi ia ka jingiathep mar mar kylliang, hynrei ha kaba kut ka Lajong ka la lah ban thep kham bun bad pynkut ia ka jinglehkai da kaba khur ia ka jingjop pyrshah ia ka Nongthymmai da 6-3.
Ha kane ka kynti u Deibormame Tongper sa shisien pat u la pynlynguh ia ki nongpeitkai da kaba u la ioh biang ban khur ia ka hat-trick hadien ba u la ioh ban thep ha ka minit kaba 26, 42, bad 60 minit. Nalor jong u, u Babysunday Marngar u la ioh ban thep ha ka minit kaba 51 bad 90+2 minit. Katba u Shano Tariang uba la wan substitute u la thep ha ka minit kaba 61.
Ha kaba sdang jong ka jinglehkai, ka Nongthymmai ka la ialehkai bha da kaba ka la lah ban lamkhmat ia ka jinglehkai da ka jingioh thep ka kol kaba nyngkong ha ka kylla step lyngba u Robi Hansda ha ka minit kaba 11 bad bud sa u Nitesh Hazra ha ka 19 minit. Wat la ka Lajong ka la lah ban pyniaryngkat noh ia kitei ki kol jong ka Nongthymmai tang ha ka kylla step, ka Nong thymmai ka la ioh biang ban lamkhmat tang mar iasdang ka kylla miet da ka jing iohthep kol u Sam borlang Nongbsap ha ka minit kaba 46.
Da katei ka jing jop ka Lajong ka la lah ban knieh biang ia ka kyrdan kaba ha khmat, da jingia ioh poin mar katjuh bad ka Rang dajied United FC da mar 9 point bad ki ialong kum juh ruh ha ka jing iapher ka jingiaioh kol, kata, da mar +6. Hynrei da ka jingioh kham bun kol na ka liang ka Lajong, kane ka kynhun ia mynta la shim kum ka kynhun kaba nyngkong ha ka miej iakhein poin. Na ka liang ka Nong thymmai, kane ka kyn hun ka ieng hapoh duh na ka lain kaba hap deng jong ka miej ia khein poin da ka jingioh 3 poin na ki 4 tylli ki jingiakhun. Ka jingleh kai mynta ka sngi kan long hapdeng ka Saw mer pyrshah ia ka Langsning FC naduh ka por 3 baje janmiet.
Phi don ban ong eiei?