Khubor Khristmas

AIS SUJA

Ka khubor Khristmas. Balei ba rakhe ia ka Khirstmas?

Iaka kyntien Khristmas ym shym la thoh ha ka Bible. Hynrei la iathuh tang ia ka jingkha ia u Jisu Khrist. Katba ki snem ki nangiaid, u paidbah khristan ha satlak pyrthei u rkhie ia ka khristmas (Christmas) kaba mut haba la shim kyllum ka long ka jingrakhe ia ka sngi jingwanlong briew u khun u Blei shaka pyrthei dakaba pynpaw ia ka jingkmen da ka dak kaba paw shabar kum kaba dihsha ne bamdoh sngewbha bad ka jingpynriam pynbeit ia ki ing ki sem ki shnong ki thaw bad kumta ter ter. Kumba ka rukom briew ban leh sngikha (Birthday celebration) te katno tam ia u khun u Blei. Kane ka long kata ka jingsngewbriew jong kita kiba ngeit. Kamdei ka hukum (order) ne jingkyrpad (request) hynrei ban pynpaw sha ka pyrthei ba ngi mane ia u Jisu u khun u Blei. Tangba kamdei pat lyngba kane ka jingrakhe Khristmas kan ktah ia kiba duk, wat lada kim ioh cake ne bamdoh hynrei tang ka shyriew ka sha saw ruh ka biang.

Ngi ong ba kadei ka jingkha ia u Jisu Khirst, ngi rakhe ia kata, bad ka jingrakhe ia u Jisu Khrist kamdei ban kut tang ha ka shisngi, hynrei baroh ki sngi ka jing donkam ban rakhe ia u Jisu Khrist hapoh ki dohnud jong ngi. Lada ka jingrakhe kan long tang shisngi, kata kamdon jingmut eiei namar u Jisu udei u khun u Blei bad u dei ruh u Blei, ym u briew.

La bun pateng la iathuh sha ka pyrthei ba un wan uta u Khrist uba la sleh. La iathuh lypa da ki Nongiaythuhlypa kum u Sekharaiah, U Isaiah, u Mikah, bad kiwei. U Isaiah lei u ladep ong – u ei u ban ngeit ia ka jingpynbna jong ngi? Isaiah 53:1. Ymdon bangeit. Wat mynta ruh kim ngeit khamtam kito ha Israel.

Hadien u prophet Mikah, ymdon Nongiathuhlypa shuh u ban ong – Kumta kumta u ong u Trai Balei? Namar kawan ka por ka jingsngap jar jong u Blei kumba 400 snem (Four hundred silence years) naka bynta ban pynkhreh ia la u khun ban hiar sha pyrthei.

Hangne ngi sngewthuh ba u Jisu udei uta uba ladon lypa ha bneng bad u kpa (Blei). Une u la don naduh kaba mynnyngkong bad u Blei. Ioanis 1:2. U Jisu udei uta u ktien. Uta u ktien u la don bad u Blei. Uta u ktien u la long u Blei. Ioanis 1:1. Kaba mut u ta u Jisu udei hi u Blei. Balei? Namar u kpa (Blei) u la aiti ia kiei kiei ha u khun (ha u Jisu).

Kumta hadien ki jingiathuhlypa, bad hadien 400 snem ki por jing sngap jar u Blei, u Blei u la phah ia ki angel ha ka jingphohsniew ha u joseph (namar u Blei u kren ia u briew ha ka jingphoh sniew ruh). U angel u ong – wat sheptieng ban shim ha me ia ka Mari namar ita baka pun I long na u Mynsiem Bakhuid ………men khot ruh ia ka kyrteng jong u u Jisu: naba un pynim ia ki briew na ki pop jong ki. Mathaios 1:18-21.

Ka Mari kadei ka jaid Jiw, kumta la kha ia u Jisu na ka jaid bynriew Jiw. Dei nakata ka daw u Jisu u ong – ka jingpynim ka long na ki Jiw (Salvation is from the Jews) Ioanis 4:22. U Blei u la I mon ban phah ia u khun naka jaid Jiw Israel. U Jisu kum u briew bad kum u Blei, ula sdang ban heh ban san ban khynraw ruh de. U la pyndep ia ka kam shakri (His ministry) hangne ha pyrthei kat kumba u Blei u la phah ia u. Ia kata ngi iohi ha ki saw Gospel – Mathios , Markos, Loukas Ioanis.

U Jisu u la don 34 snem karta naduh ka sngikha haduh ba u rung shapoh Jerusalem, na Jerusalem haduh ka sngi ba u kiew halor Diengphna. Lakha ia u ha u snem u ba 3 B.C kata mynba u Herod u long syiem. Mathaios 2:1. Kaba mut la kha ia u ha Bethlehem Judia.

Kaei kaba ngi tip kalong ba ki Jiw ne Israel ki ithuh ia u Jisu hynrei kim ithuh pat ba u dei uta u khun u Blei uba la phah da u Blei. Lakha ia u ha Israel naka jaid Jiw hynrei kim pdiang ia u. Ioanis 1:11. Haba kim pdiang u Jisu u phai sha samaria. Ha samaria ki briew ki ithuh bad pdiang ba u Jisu udei uta u Mesaiah. Ki nongsamaria ki ong – “Ngi tip ba u ne u long Shisha u Khrist u Nongpynim ka pyrthei. This man is really Christ, The savior of the world. Ioanis 4:1-42.

Nasamaria la pynbna sha Jerusalem bad shaba kut ka pyrthei ba u Jisu udei u Khrist Nongpynim ka pyrthei. U la wan khnang ban kit ia ki pop ki briew baroh dakaba u siew dep iaka kuna halor diengphna. U Jisu u la wan sha ka pyrthei ha ka jinglong duk ym kum u riew spah tad haduh ka ka jingshah iap halor diengphna. U lawan khnang ban kit ban bah ia ki pop u la wan ban pyllait ia u briew na u ksuid u soitan. Ka ktien u Blei ka ong – ………. u la map noh ia ki pop jong phi baroh haba la lah pyndam noh ia ka ain (ain moses) ba lathoh lem bad ki kyndon jong ka (having Cancelled the written code with its regulations) kiba long pyrshah ia ngi bad ieng pyrshah ia ngi (that was against us and stood opposed to us), u la shim noh ia ka (He took it away) bad sahprek halor Diengphna (Nailing it to the cross), haba u la lah sloit I ktiar noh (having disarmed) ia ki Bor bad ba donbor (powers and authorities), u la pynpaw paidbah ne thad rong ia ki (He make a public spectacles of them) bad leh risa jingjop halor jong ki (ki bor bymman) da ka Diengphna (Triumphing over them by the cross).

Kumta rakhe ia ka Khristmas da ka jingsngewthuh wat lehkai iaka jingngeit bah u Blei ba na bymjukut; kat haduh ba u la aiti noh ia la u khun ba la kha marwei Ioanis 3:16. Amen

Khublei Khristmas Basuk.