Khublei U Chairman KHADC ia ki nongsynshar shnong

Shillong: Myn hynnin ka sngi u Chairman ka Khasi Hills Autonomous District Council (KHADC) u bah Pyniaid Sing Syiem u la ai khublei ia baroh ki khlieh nong synshar Hima Shnong kiba hap hapoh ki 54 tylli ki Elaka kiba kynthup ia ki Sviem ship, Lyngdohship, Wahadarship bad Sirdarship kiba la ia shnoh kti lang bad ka sorkar Meghalaya bynta ban iakhun pyrshah ka jing pang Corona Virus hapoh ka jylla.

U bah Pyniaid Sing Syiem u la ai khublei kyrpang ruh ia ki Sordar Shnong bad ki Rangbah Shnong bapher bapher kiba la trei shitom ha ka jingialeh pyrshah ban rat dyngkhong iaka jing pang Corona Virus.

U Chairman ka KHADC u la pynpaw ruh ba ka jing iatreilang jong ki nongsynshar shnong lane ki rangbah shnong ka pynlong iaka jylla ban kham pynduna ka jing ngat jing pang iaki paidbah ka jylla baroh kawei. Na ka liang u bah Pyniaid Sing Syiem u la kitbok kitrwiang bad kyntu ruh ia ki khlieh synshar shnong ban nang iatrei shitom na ka bynta ka jing bha ka jylla Meghalaya baroh kawei.