“Khublei shibun, Nong-Shillong”, ong ki Smokie rPalat 5 hajar tuid sakhi ki paidbah ban sangap jingrwai Smokie

Shillong, 5 Nohprah:
“Khublei shibun, Nong-Shillong”, ki dei ki kyntien ba kren nyngkong ki nongrwai ka kynhun Smokie mar ia kiew ha rynsan ban tem ia ka jingrwai jongki hynne ka sngi ba la pynlong ha madan Polo, Shillong ba la wan ban sakhi kumba palat 5 hajar ngut ki paidbah.
Ia kane ka tamasa rwai la pynlong da ka POWAC ryngkat ka jing iatreilang bad ka tnad pynneh pynroi ia ka riti dustur ka sorkar jylla na ka bynta ban pynmih pisa ban iarap ia ki lanot shlei um ha Garo Hills.
Ki Smokie kaba dei ka kynhun nongtem na ri Bilat ki la rwai ia ki jingrwai kum ka Mexican Girls, Alice, Lay back in the arm of someone bad kiwei kiwei ki jingrwai kiba la pynshong shit ba pynkhih met bad pynkynthih pynpyrta jam na ki paidbah ba wan ha kane ka madan.
“Ngi sngew tynnad ban don ha Shillong ka dei ka nongbah jong ka sur jingrwai ha India”, la ong ki Somkie kiba don san ngut.
Kane ka tamasa ne concert ka dei kaba nyngkong duh ban wan ki kynhun nongtem nabar ba pawnam ha kane ka aiom ba mynta u snem ban pynshongshit ia ki paidbah riew ieid jingrwai ha kane ka nongbah
Shillong.