Khublei samla pule ka FKJGP

Shillong,21Naiwieng:
Ka FKJGP,Central Body ka la ai ka jingiaroh kaba kyrpang ia ki samla pule jong ka jylla kiba la nud ban mih shakhmat ban pyrshah ia ka ain shongwai ba la wanrah da ka sorkar jylla ban pyn treikam ia ka ha ka jaka ka ILP. Ka seng ka la ong ba ka jingkyntait ki samla pule ia ka ain shongwai ka sorkar ka dei ka jingiohi jngai jong ki ia ka lawei ka jaitbynriew. Shuh shuh ka seng ka la kynthoh ia ka jingialang ba la khlieh da u Bah Prestone Tynsong ban ia mir jingmut bad ki samla pule, namar ka jingbym lah ban pynshai ia kiba bun ki jingkylli kiba ki samla pule ki la wanrah. Lah ban kdew ban mynhynin ka sngi ki samla pule ki la kyntait mardor ia ka ain shongwai ha ka jingialang kaba la pynlong ha U soso Tham Auditorium.