Khublei paidbah ki 5 seng

Shillong,20 Iaiong:
Ki san tylli ki seng bhalang ka Ri Lum Jaintia ki ba kynthup ia ka SRS-EJH, AJYWO-CB, KSU-JHDU, HNYF-EJZ, FKJGP-KC, kiba la khot da ka pakhang shnong ba 24 kynta ha ka 16 tarik mynta u bnai ban pynbor ia ka NHAI bad ka sorkar Meghalaya ban maramot noh kloi kloi ia baroh ki bynta ba la sniew jong ka NH 44, kata naduh Soomer haduh Malidor ki ai khublei bad pynpaw ka jingsngewnguh ia ki paidbah ka East Jaintia Hills District bad ruh na kiwei pat ki jylla jong ka thain shatei lam-mihngi jong ka Ri India halor ka jingkyrshan ba pura bad ka jingiasnohkti lang jong ki ia katei ka pakhang shnong jong ki kat haduh ba ka la long kaba jop bad ruh kaba iaid beit iaid ryntih khlem kino kino ki jingjia ba sngewsih. Ki 5 seng ki ai khublei ruh ia ki pulit ka EJHD , ka seng HANM, Khliehriat , ki nongtrei sorkar kiba la ia snohkti lang ha katei ka pakhang kaba la kut noh khlem kino kino ki jingjia ba sngewsih.