Khublei India, phi la kem ia u khun jongnga, phin sa kem sa ia ka khun jongnga bad sa mano shuh, ong u kpa ka Rhea Chakravorty

U Showik Chakravorty, uba dei u para jong ka Rhea Chakravorty, ula shah kem ha ki pulit jong ka Narcotics Control Bureau (NCB). Halor katei ka jingshah kem, U Lt Col Indrajit Chakraborty, uba dei u kpa jong ka Rhea Chakravorty, ula ther tyngeh, halor ka jingeh, kaba la jia ia ka iing jongu, ha kine ki ar bnai ba ladep, na ka daw ka jingiap jong U Sushant Singh Rajput.

U Indrajit, ula kynthoh, da kaba ong “Khublei shibun India, phi la kem ia u khun jongnga, nga thikna ba phin sa kem sa ia ka khun kynthei jongnga bad ngam tip sa iano shuh phi mut hadien jong kitei”.

“Phi lah pynjot thiaw ia ka iing jong ki middle class bad kata ka dei namar ba phi wad ia ka jingshisha bad kitei baroh ki dei kiba la pyn shisha suda. Jai Hind” ula ong.

Ka jingkren jong U Indrajit, ka dei hadien ka jingshah kem jong u khun jong, U Showik Chakravorty bad nangta sa u nongpeit ia ka iing jong U Sushant, U Samuel Miranda, ha kaba ka jing tohkit, ka dang iaid mynta halor ka jing dih droks utei u aktor bad ia kiei kiba pynpoi droks ia u.

U Showik, u iathuh ba ula ju pynioh droks ia U Sushant bad kumjuh ia kiwei de ki aktor jong ka bollywood bad ba la phah thied ia kitei ki droks da ka Rhea, kaba dei ka hynmen jong.