Shillong: U bah D.D Lapang u la kren kut noh mynta ka sngi da kaba ong khublei congress ngan ym wanphai shuh bad katei ka dei hadien ba la pyntip sha u ba u Rahul Gandhi kumjuh ka Sonia Gandhi ki kwah wan sha Meghalaya bank ia kynduh ia u.U la ong ba ki bun kiba kwah ia kynduh kum u Luizinho Faleiro hynrei u la jubab ba ym don jingmut ban ia kynduh.
U bah Lapang u la ong ba ka Congress kam dei shuh kum mynshuwa kumba long ha ka por u Nehru, u Rajiv Gandhi, Indira Gandhi bad wat haduh ka Sonia Gandhi. Nga la don lah 45 snem nga tip bha nga lah trei ryngkat naduh ka por ka Indira, u Narsimha Rao, u Manmohan Singh hynrei mynta ha u Rahul ki la pher lut. Une um kwah shuh ia ki tymmen ba lah mih ñiuhlieh , ka Ambika Soni ka lah mih, u Shinde u lah mih, bun kiwei Pat ba kim sngew donkam shuh ia ki.
Nga don ki rikod ka AICC ba kiba lah 95 snem ruh ki long myntri rangbah hynrei ka iaid bha ka kam ha ki.Ha ka por ba la dep na Khasi Jaintia ngi jop 16, na Garo 14 ka madam Sonia ka ong shim ma phi long myntri rangbah hynrei nga ong em utei u Mukul u lah kwah eh lada ngan shim jot ka ing.
Ki paidbah ka Ri bhoi mynta ka sngi ki la pdiang sngewbha ia u bah Lapang hadien ba u wanphai na Delhi bad u la ong ba un leit ban iasoh bad ka party kaba don ka jingmut jingpyrkhat kum ma u bad kaba dang ailad ia u ban trei.