Shillong, 8 lyngkot:
Ki 24 kynta ba la dep, ki dei kiba jubor bha ka jingkhriat ha ka nongbah Shillong, ha kaba ka jingshit, ka long tang 14.3 degree, katba ka jingkhriat, ka hiar sha ka -0.7 degree bad kaba long kawei na ki sngi kaba khriat tam jong u snem thymmai 2018.
Ka jingkhriat kam da jur satia ha Sohra, ha kaba ka jingshit ka long 17.4 degree, katba ka jingkhriat ka hiar sha ka 2.7 degree, katba ha Umiam, ka long 18.2 degree bad kaba khriat eh, ka poi sha ka 0.2 degree. La iathuh shuh shuh, ba ka jingkhriat kan dang iai bteng ha ki sngi ki ban sa wan ruh ha ki bynta jong ka Jylla.