Khreh ki ISIS, ban kurup ia ka Jylla Anbar

Palat 2 hajar ki long iing, ki la phet krad na ka nongbah Ramadi, hadien ba ki ehrang ISIS, ki la tur ban kurup ia katei ka nongbah, ong ka khubor.
Ki lad khubor na ki bor sorkar jong ka Iraq, la iathuh ba ki ehrang ISIS, ki la ker kut ia ka bynta ba shatei jong ka Jylla Anbar, wat la ki shipai ka Iraq bad ki shipai Shiite, ki la iada tyngeh ia katei ka nongbah. Katei ka jingthombor jong ki ehrang ISIS, ka dei hadien ba ki la shah beh krad ialade na ka nongbah Tikrit, ha ki shipai Iraq.
Ki dur ki dar, ki pyni, ba ki liengsuin ia pom, ki khyrwit tyngeh ia kitei ki jaka, ba la shim, ba ki don ki ehrang ISIS, na ka bynta ban pynher krad ia kitei ki ehrang, kiba la pynkhreh ban kurup ia katei ka Jylla Anbar, ong ka khubor. [pule ruh sla 5]