Khot sngewbha U Shah, ia ki nongialam niam ban leit sha Delhi

Shillong:Ka Parti BJP Meghalaya state unit ha ka jingialam jong U president u Rikman G Momin ha ryngkat u myntri kabinet jong ka sorkar jylla u bah A.L Hek, ki la leit ban ia kynduh kyrpang ia u myn tri ki tnad kam pohïing jong ka ri ha Nongbah Shilllong.

Kine ki nongialam ki la ioh ban iakren bad u Amit Shah haba iadei bad ki mat kiba ka jylla ka donkam, kum ka jingpynrung noh ia ka ktien Khasi bad Garo ha ka khyrnit ba phra ka riti synshar jong ka ri,ka Inner Line Permit (ILP)bad ka jingplie ia ki kam khaïi sha ri Bangladesh lyngba ka jylla Meghalaya.

U Myntri ki Tnad kam pohïing u la shah shkor bha bad mynjur ban peit ia kine ki mat kloi katba lah.
U Shah, ula khot ruh ia ki nongialam niam na ki kynhun balang ba kin wan sha ka jingialang ban pynlong ha Nongbah Delhi ha ryngkat u president jong ka parti, kumjuh u Myntri jong ka sorkar jylla bah AL Hek ban iatai haba iadei bad ka FCRA bad ka jingai jaka ha NCR sha ka KJP Synod.