Khot pynpra iing ka MPGCL

Shillong, 19 Nailur:
Ka Meghalaya Power Generation Corporation Ltd, ha ka jingpynbna paidbah, kaba dang shu pynmih ha ki kotkhubor, ka la khot ia kito kiba lah ban leit pynpra noh ia ki jaka sah jong ki nongtrei, kiba don ha Myntdu Leshka bad ba la buh dor, na bynta ki saw jait ki jingtrei, ha ka dor T.3,39, 373.00. La buh por, ia kito kiba kwah ban leit pynpra ia kitei ki iing, ba kin leit thep kyrteng ialade, ha shwa ka 8tarik Risaw 2013.
Haba u nongthoh khubor, ula iakren bad ki bor jong ka MeECL, la iathuh ba katei ka jingleit pynpra, ka dei na bynta ki iing kiba ring, kiba la shna naduh kham mynshwa, kiba don kumba 30tylli tam bad kiba la shna, naduh shwa ban pyntrei ia katei ka projek ring bor ding jong ka Leshka bad mynta, namar ba ka kam, ka la dep, la dei ban pynpra noh, namar ba kam donkam shuh ban dang buh ia kitei ki iing, ba kin shu rim bad jot noh ha katei ka jaka ha Leshka.