Khot kyrtong MDC ka UDP Ranikor

Shillong, 19 Naiwieng:
Ka UDP Ranikor circle ka la khot ia kino kino kiba kwah ban iakhun elekshon MDC ha kane ka snem ban wan na ka bynta ka Langrin constituency.
Ha ka kyrwoh ba la pyllait da u general secretary ka UDP Ranikor circle u Bah GG Bung Snaitang u la ong ba ka tarik ba khatduh ban pynpoi ia ki Application kan long ha ka 10 tarik u Nohprah 2013. Ka bai thep kyrteng kan long san hajar tyngka kumba la btah da ka Central Election Committee.
Lada ki nongtyrwa kyrtong ki don palat ia uwei yn phah beit sha ka Central Election Committee lyngba ka District Election Committee bad uno uno u kyrtong u ba la jied da ka Central Election un long u kyrtong jong ka Party.